Opaloj (etikaj universalajhoj)

de la

 

Unua Ringo

(Judaismo)

Dua Ringo

(Kristanismo)

Tria Ringo

(Islamo)

 

Rabeno Hilelo diris: „La tuta esenco de nia religio estas la legho ‚agu kun aliaj tiel, kiel vi volas, ke oni agu kun vi‘; chio alia estas nur komentarioj.“  (Talmudo, Shabbat 31a)

 

Kion vi ne deziras, ke oni faru al vi, tion ankau  ne faru al iu alia. (Tobio 4.16 [apokrifa])

 

Ne malamu vian fraton en via koro; ad­monu vian proksimulon, por ke vi ne portu sur vi pekon pro li. Ne faru venghon kaj ne portu koleron kon­trau la filoj de via popolo; amu vian prok­simulon kiel vin mem; Mi estas la Eternulo. (Levidoj 19.17-18)

 

Kiel indigheno el inter vi estu por vi la frem­dulo, kiu ekloghis che vi, kaj amu lin kiel vin mem, char fremduloj vi estis en la lando Egipta: Mi estas la Eternulo, via Dio. (Levidoj 19.34)

 

Respektu vian patron kaj vian patri­non, por ke longe dauru via vivo sur la tero, kiun la Eternulo, via Dio, donas al vi. Ne mortigu. Ne adultu. Ne shtelu. Ne parolu kontrau via prok­simulo mal­veran ateston. (Eliro 20.13-17)

 

Vidvinon kaj orfon ne premu. (Eliro 22.22)

 

Se vi pruntedonos monon al iu el Mia po­polo, al iu malrichulo apud vi, ne estu por li premanto, ne metu sur lin procentojn. (Eliro 22.25)

 

Ne disvastigu malveran famon; ne kunigu vian manon kun malvirtulo, por esti ate­stanto de malbonago.

Ankau malrichulon ne favoru en lia jugha afero.

Ne forklinu la rajton de via malrichulo en lia jugha afero.

De mensogajho malproksimighu, kaj senkul­pulon kaj virtulon ne mortigu; char Mi ne pravigos maljustulon. Donacojn ne ak­ceptu [en jugha afero]; char donacoj blindi­gas vi­dantojn kaj malghustigas la afe­rojn de virtu­loj. (Eliro 23.1, 3, 6-8)

 

Chion ajn do, kion vi deziras, ke la homoj faru al vi, vi ankau faru al ili; char chi tio estas la legho kaj la profetoj. (Sankta Mateo 7.12)

 

Kaj jen unu viro, veninte al li, diris: Majstro, kian bonon mi faru, por ke mi ri­cevu eternan vivon? Li diris al li: Kial vi min demandas pri bono? Ekzistas Unu, kiu estas bona; sed se vi deziras eniri en la vi­von, observu la or­donojn. Li diris al li: Kiujn? Kaj Jesuo diris: Ne mortigu; Ne adultu; Ne shtelu; Ne parolu malveran ate­ston; Respektu vian patron kaj vian patri­non; kaj: Amu vian proksimulon kiel vin mem. (Sankta Mateo 19.16-19)

 

Sed la Fariseoj, audinte, ke li silen­tigis la Sadukeojn, kune kolektighis. Kaj unu el ili, leghisto, demandis lin, pro­vante lin: Majstro, kiu estas la granda ordono en la legho? Kaj li diris al li: Amu la Eternulon, vian Dion, per via tuta koro kaj per via tuta animo kaj per via tuta menso. Chi tiu estas la granda kaj unua or­dono. Kaj dua estas simila al ghi: Amu vian proksimu­lon kiel vin mem. De chi tiuj du ordonoj dependas la tuta legho kaj la profetoj. (Sankta Mateo 22.34-40)

 

Ne adultu, Ne mortigu, Ne shtelu, Ne deziru, kaj chiu alia ordono, estas resumitaj en la jena parolo: Amu vian proksimulon kiel vin mem.  Amo ne faras malbonon al proksi­mulo; amo do estas la plenumado de la legho. (Romanoj 13.9-10)

 

Se estos eble, restu pacaj viaparte kun chiuj homoj. Ne venghu vin, sed cedu lokon al kolero.

Ne venkighu de malbono, sed venku malbo­non per bono. (Romanoj 12.18, 21)

 

Nenia diferencigo estas inter judo kaj greko, char unu sama estas la Sinjoro de chiuj. (Romanoj 10.12)

 

 

Raportis Anas: diris la sendito de Dio: vere mi jhuras per Tiu, en kies mano estas mia animo: neniu el vi estas vera kredanto, kiu ne deziras al sia frato la samon, kion li dezi­ras al si mem. (El la sunao [eksterkoranaj eldiroj de Mahometo])

 

Via Sinjoro dekretis, ke vi nur adoru Lin kaj ke vi estu ghentilaj al la gepatroj. Se unu el ili au ambau atingas maljunan aghon che vi, ne diru al ili: „Fi“ kaj ne riprochu ilin, sed parolu al ili respekteme kaj mallevu sur ilin la flugilon de la sub­metigho, kaj diru: „Mia Sinjoro, havu kompa­ton al ili, kiel ili zorgis pri mi, kiam mi estis etulo“.

Ne mortigu viajn idojn pro timo de la malricheco. Ni provizas por ili kaj por vi. Vere, mortigi ilin estas granda peko. Ne al­proksimighu al la adulto; tio vere estas hontindajho kaj malbonega vojo. Ne mortigu la vivon, kiun Dio faris neneniiginda, krom el ghusta kauzo. Se iu estas mortigita malju­ste, Ni donis la rajton postuli repagon, ta­men li ne transpashu la li­mojn pri la mortigo, char li havas ja helpon en la legho. Ne al­proksimighu al la proprajhoj de la orfo, krom por lia utilo, ghis li atingos la plenaghon, kaj plenumu la interkonsenton, char pri la inter­konsento vi devos responsi. (Korano 17.24-25, 32-36)

 

Tiuj, kiuj ne atestas falson … estos rekom­pencitaj per la plej alta rango en la para­dizo. (Korano 25.72 kaj 25.76)

 

Ne estu perforto je la religio. (Korano 2.257)

 

Arabo ne estas supera al nearabo, nek ne­arabo supera al arabo; nigrulo ne estas su­pera al blankulo, nek blankulo su­pera al ni­grulo - escepte per pieco. (El la sunao [eksterkoranaj eldiroj de Mahometo])

 

Se Dio volus, Li estus farinta vin unu po­polo, tamen Li volas elprovi vin per tio, kion Li donis al vi. Do konkuru reci­proke pri la bonaj faroj. Al Dio estos la re­veno de vi chiuj. Li sciigos al vi tion, pri kio vi mal­konsentis. (Korano 5.49)